كرونيك

كرونيك ” زوجي القاسي “

الحلقة 1 :

أنا أميرة…… عمري 20 سنة… مطويلة مقصيرة….. بيضة وشعري اسود مثل الليل وطويل بزاف….. مي دايرا خمار…. عايشة في قرية صغيرة…. مع بابا ومرتو… ماما توفات منين كونت عمري 4 سنوات… عاود بابا الزواج وياريت ماعودش شربتلي لمرار كرهت الدنيا كرهت روحي……

وبابا تاني مكانش بعيد عليها كان يبدع في تعديبي…. حبسني من لقراية… تمنيت نكمل قرايتي …. ولاكن للأسف……

بقيت فدار نخدم عليهم …….. داروني خديمة….. عندي خاوتي 2 دكورا وطفلة من بابا…… كانو يفضلوهم عليا في كلش…. هوما ياكلو في مائدة وحدة وانا ناكل وحدي … حتي يخلصو هوما لماكلة ونروح نشوف واش بقا باه ناكل……. كرهت حياتي….

الحلقة 2 :

نضت مع لفجر كما العادة توضيت صليت…. لبست حوايجي… واش من حوايج قدم بزاف وميصلحوش لفصل الشتاء مي معنديش من غيرهم… حطيت خماري وخرجت نجيب الخبز ولحليب… كون ينوض بابا ومرتو وميصيبوش لفطور يقتلوني…….كان لمطر يصب غزير.. روحت جارية شريتهم ورجعت شعلت نار وتدفيت شوية… وجدت لفطور ناض بابا ومرتو واولادهم… حطيتلهم يفطرو…… باه يروحو يقراو… ايييه انا حرموني من الدراسة وهوما قراوهم.. معليش…

فطرو خلصو بابا راح للخدمة…. وخاوتي من بابا راحو يقراو… ومرت بابا راحت كملت رقادها….. وانا روحت نفطر كونت ميتة بلجوع باسكو متعشيش لبارح ملقيت والو….. شفت للحليب لقيتو كمل…. خلاص… شديت طرف خبز وناكل فيه وحدو… جات مرت بابا شدتني على شعري ونحاتلي الخبز من يدي… وقالتلي دروك يجيو خاوتك من لقراية ميتين بالشر واش نمدلهوم……..

نوضت…. وخرجت منقدرش نرد الهدرة علبالي تبيتني برا…….

روحت خدمت شغل الدار…. وروحت نبيع الأزهار…. بابا حتم عليا باه نعاونو شوية….. مدخولو ضعيف بزاف…… وانا كون منجيباوش دراهم فالنهار يقتلني…. ميخلينيش ندخل لدار ويضربني…..

روحت خدمت وكملت شغلي … ليوم مكانش زبائن بزاف مدخلتش دراهم… ليوم يقتلني لحقت لدار وعلبالي واش راه يستنا فيا……

كما شافني قالي هات واش جبتي ليوم… هبطت راسي ومرديتلوش…… هو فهمها وقرب ليا حكمني علي شعري وشبعني كفوف…. وخرجني لبرا فلبرد هداك قالي ليوم تباتي هنا يا الرخيسة……

الحلقة 3 :

روحت عند عمي بورهان رقدت عندو غير هو يحن عليا…… هدا عمي برهان عايش غير هو ومرتو وهوما كبار فالسن…… داروني كما بنتهم كنمرض هوما يشريولي دواء بتخبيا …… كانو يمدولي ناكل.. كون ماشي هوما كون راني ميتة…….. نوضت الصباح بكري كما العادة….. روحت شريت لخبز ولحليب وبقيت نستنا يفتحولي الباب….. فتحولي وهوما يسبو ويضربو فيا… دخلت وجدت لفطور… كما العادة مخلاولي والو……. روحت نبيع الازهار…….

ليوم تاني مكانش دراهم ببببف رايحا نزيد نبات برا……..

لحقت لدار وكانت المفاجئة….. كان بابا يضحك ويشوف معاي أول مرة يتبسم في وجهي…….. بقيت واقفة حتي جا عندي وحضني….. قالي كبرتي يابنتي……… ورايح نزوجك….. انا بقيت مشوكية … كفاه وشكون رايحة نتزوج……. قولتلو مزالني صغيرة….. فجأة ضربني بكف ثلاثي الأبعاد…….

طحت فالارض وهزيت راسي نحاول نفهم الحكاية……

كان حاط عيناه في عينيا…. وقالي هدا لمعلم نتاع الشركة نتاعنا حاب يتزوج وانا قترحتك انت وقالي موافق وجدي روحك غدوة يجو يدوك راهم مزروبين…….

هزيت روحي وخرجت روحت للغابة بكيت بكيت حتي دخت… اااه ياربي واش هدا الزهر … زعما نتزوج نتهنا منهم…. رايحة نزيد نتغبن… علاه يابابا تزوجني مع شيخ علاه يا بابا تزوجني بلمعلم نتاعك……

روحت لدار لقيت مرت بابا شراتلي لبسة وليدوبياس ولينويزاث … حرت فيها وكانت تهدر معاي بحترام وحنان……..

فليل حطولي نتعشا….. وقعدت معاهم…. قالي بابا…. الحمد لله رايحين نخرجو من الميزيرية لرانا فيها…… راجلك عطاني مبلغ كبير على جالك…. رايحين نخرجو من الميزير….

هزيت روحي وروحت لبيتي غلقت وبقيت نبكي… آخرتها معاك يا بابا تبيعني وترميني عند شيخ….. انا يتيمة وزيدتلي انت اااااه ياربي….. بقيت نبكي حتي رقدت….

الحلقة 4 :

نوضت الصباح مع لفجر كما العادة….. مي ليوم غير العادة لقيت لفطور جاهز…. الطابلة معمرة…. شافتني مرت بابا جات جارية قالتلي صباح الخير بنتي ارواحي تفطري……. فهمتها بلي راهم طامعين فيا باسكو رايحة نتزوج مع شيخ مرفه……..

قعدت فوق المايدة ومقدراش ناكل نفسي مسدودة…….. معندي مندير استسلمت للامر وقولت نورمال نروح تم خير ناكل ونشرب كما الناس.. وراني عايشة…….

خلصنا لفطور….. داتني مرت بابا عند لكوافورة…. دارولي مشطة سامبل باسكو دارو لعرس بتخبية واحد مسمع………

روحت لدار مدتلي روبة بيضة سامبل يديها طوال ومستورة…… دخلت لبيتي شفت مع روحي …. فلمرايا حرت… تبدلت بزاف جيت نهبل……. قالتلي مرت بابا وجدي روحك قريب يجو يدوك……. روحت فتخت شعري لميتو طوماطيشة ولبست الروبة وحطيت خماري…… وبقيت نستنا…. هكدا شوية سمعت لهدرة فهمت بلي جا راجلي الشيخ يديني…. دخلت عليا مرت بابا بقات تندب قالتلي اااه علاه حطيتي لخيمار ليوم عرسك…. ازربي نحيه… هربت وجبدت روحي عليها….. قولتلها لالا نروح هكدا………

قالتلي احمدي ربي جاو ناسك هنا كون ربيتك….. حكمتلي يدي وخرجتني عندهم…….. هزيت راسي لقيت غير زوج نسا كبار ومعاهم طفلة نتاع عمري……. حوست بعينيا على الشيخ ملقيتوش…. نطقت واحد المرا قالتلي راكي تحوسي على راجلك… ههههه اااه يابنتي متتقلقيش دروك ندوك عندو…….

ودعوني بابا ومرتو زعما بدموع خخخخخ دموع التماسيح ركبت في واحد السيارة فاخرة… باينين مرفهين…. كانت الطريق طويلة…. رقدت حتي وصلنا فيقتني هديك الطفلة…. قالتلي أميرة نوضي رانا وصلنا….. نزلت من السيارة بقيت حالة فمي… وااااو عندهم قصر يا الزح هدا لكونت نتخيلو……في مخي وننسج عليه حكايات…… دخلنا وانا فمي بقا محلول…..

مدولي كليت ….. ومبعد قالتلي ارواحي اطلعي لشمبرتك دروك يجي راجلك…..

دخلت لشومبرتي وبقيت نستنا في راجلي الشيخ….

هكدا شوية سمعت الباب تفتحت… قلبي تزير عليا كونت خايفة من هديك الليلة كما كامل لبنات……

هبطت راسي من الحشمة… ومبعد تقدم ليا بخطوات ثابثة… لحق عند راسي وبقا واقف ويشوف معاي وساكت…. مقدرش نرفد راسي…… وهو مهدر حتي هدرة…

ايا خلاص نشوفو هدا واش بيه بلاك عقون خخخخ… هزيت راسي لقيت………

_______

الحلقة 5 :

بقا ساكت… ايا هزيت راسي جبرت واحد الجون اقل مايقال عنه بقلاوة …. يقطر بالزين كان طويل وعريض واسمر عينيه زروقة … كان لابس سيرفاث مزيرة عليه… ويديه حاطهوم في جيوبو….. بقا يشوف معاي وانا نشوف معاه…… حشمت هبطت راسي….. قالي واش اسمك… قولتلو اميرة…. شحال عمرك… 20 ….. قالي اوك انا.. اسمي فارس عمري 27 سنة وانا وانت تزوجنا زواج على ورق كما تفاهمنا……. ودراهم صايي وصلوك…..

هزيت راسي وحبيت نستوعب واش راه يقول… يعني بابا باعني نتاع الصح…. اااه يا دنيا واش مزولتي مخبية……..

كان خارج ومبعد عاود رجع قالي….. باباك قالي انت ممثلة بارعة… نتمنا تعرفي تمثلي دورك مليح…. ميلزمش يعرفو بلي زواجنا على الأوراق برك…… لازم يشوفونا اسعد زوجين في العالم…… والا معرفتيش تتقني تمثيلك رايحة تشوفي واش ميعجبكش…… الدراهم راهم في يدك …. انتم الفقراء تبيعو رواحكم في خاطر الدراهم……

انا بقيت ساكتة …. انا منبكيش والفت…… كانو دموعي يهبطو داخل قلبي….. حكمت غصتي … وبقيت ساكتة…. معندي مندير…..

قالي وجدي روحك غدوة فالصباح بكري نسافرو على نيويورك باه منلفتوش الانتباه ونبعدو شوية على الانضار… قالي وجدي روحك منستناكش… وخرج وخلاني نتخبط فالتخمام ووجيعت قلبي…..

نوضت الصباح بكري لبست لحوايج لشراتهوملي مرت بابا وحطيت خماري ووجدت فاليزتي مافيها والو قريب فارغة……

هكدا شوية دخل عليا بلا ميدقدق…. كان واجد وفاليزتو في يدو… قالي عندك الزهر وجدتي روحك تبعيني وزربي… رانا روطار…. هزيت فاليزتي وقلعنا للمطار….. وصلنا زدنا ركبنا فالطيارة…… وقلعت بينا…. مكونش علبالي بلي راني رايحة للجحيم… ومكونش علبالي واش راه يستنا فيا…..

الحلقة 6 :

كجات تقلع الطيارة انا خافت اول مرة نركب في طيارة من الخلعة شديت فيه….. حكملي يدي وزير عليها قريب كسرهالي وجبدني ليه…. قالي اول وآخر مرة تزيدي تمسيني يا موسخة…..

زاد شوكاني…… حكمت وجيعتي وبقيت ساكتة……..

انا رقدت حتي وصلنا لنيويورك…… فقت بيه يخبط فيا برجلو….. نوضت ….. هزيت روحي وتبعتو كما لحمارة… منعرفش الدنيا……. جات سيارة…. ركبنا فيها وروحنا لحقنا لدار صغيرة مي شابة بزااااف فيها زوج شومبرات ومطبخ …… وغرفة الجلوس….. دخلت …. قالي هاهي شومبرتك روحي خطيني منحبش نشوفك فطريقي اوك… عملتلو براسي اوك ودخلت بدلت حوايجي لبست جبة مستورة وحطيت خماري…. ميلزمش نحيه قدامو راه غريب عليا….. توضيت صليت… وبقيت نقرا فالقرآن حتي سمعتو يعيط…….

وين راكي…. ااااي ارواحي هنا….. خرجت جارية قولت كاش مصرا…….

قالي وقيلة جيتي ترقدي… شوفي من ليوم انت لخادمة اوك نحب الدار نقية والماكلة في وقتها…….

وكون نلقا حاجة مش مخدومة راح نحاسبك اوك…. عملتلو براسي اوك…. معندي مندير منين نروح خديمة……

روحت نضفت الدار… يعني متعبش بزاف كانت نقية…… روحت نوجد العشاء ملقيت والو…. الفريجيدار فارغ …. روحت لباب بيتو دقيتلو…. خرج يمشي ويعيط….. واش تحتاجي انت… آخر مرة تزيدي تتجرأ وتدقيلي فلباب…… قولتلو مكان والو باه نطيب…. قالي ايييه روحي خطيني.. وطبعني جيت فالأرض… قالي متطيبيش راني خارج نتعشا برا……..

نوضت روحت لبيتي تسطحت عييت بزاف من السفر…. وكونت جوعانة بزااف… هو يرح يتعشا وانا نبقا بلجوع…. معليش متبدل والو في حياتي راني موالفة بلجوع…

الحلقة 7 :

رقدت ومفيقش حتي لصباح نوضت نطيب لحليب ملقيت والو عاودت رجعت وبقيت في بيتي…. هكدا شوية حتي صبتو زدم عليا فتح الباب بلا ميدق…..قالي واش يا لالة مزالك راقدة ايا نوضي …. قولتلو من لينوضت قبيلة….. عيط عيطة لحيوط تزلزلو…. قالي بلعيييييي من ليوم منحبكش تردي الهدرة….

هبطت راسي وسكت…. روحت للكوزينة ملقيت والو … فارغة خلاص…..

قولتلو بلا منشوف فيه مكان والو باه نطيب….قالي موتي بلجوع…. وخرج وخلاني …. روحت شعلت قليفيزيون وبقيت نتفرج…. حتي للعشية…. دخل …. مي مجاش وحدو جات معاه واحد البنت…. كانت لابسة لبسة لمعري كثر من لمغطي…… بقات تشوف معاي وقربت مني…. وهدرت معاي بلعربية…. قالتلي انت هي الرخيسة لتبيعي روحك على جالت دراهم ….. دورت ومعلبليش واش قالت باسكو هدرت بالانجليزية…….

ومبعد قالي منحبش ديرونجمو ودخلو لشمبرتو وبقاو تم انا دخلت لشومبرتي وبقيت نصلي ونقرا فالقرآن….. ونستغفر من هدا لحرام لراني نشوف فيه….. ومبعد روحت رقدت…. بسيف باه رقدت كونت جوعانة بزاف عندي يومين مكليت والو……. نوضت فالصباح حاولت النوض مي كانت الدوخة تطيحني بقيت متسطحة في بلاصتي حتي دخل فارس…. وهديك لمصفارة….. مزية كونت دايرة حسابي ورقدت بلخيمار… دخلو هو بدا يعيط ويضرب فيا من كل الجهات….. كونت معنديش القوة حتي باه نقول ااه… هي كانت تقولو غير زيدلها هدي عندبالها جاية تعدي شهر العسل هنا وقيلة….. هو بقا يضرب حتي …… تعب… ومبعد حكمني من شعري وكركرني حتي لدوش…… حكم بيدون ما بارد وقلبو عليا ……. ومبعد ضربني بلبيدون لراسي……. انا حسيت براسي تقسم ولعبت عليا الدوخة وتغاشيت………

الحلقة 8 :

فات الوقت فطنت… لقيت روحي مرميا فدوش هزيت راسي بالسيف…. لقيت روحي نعوم في بركة نتاع دم……

شديت فلحيط ونحاول نوض…. خرجت من دوش… لقيتو هو وهديك المصفارة معنقين بعضاهم ويتفرجو…. ومبعد تلفتو ليا….. قالتلو لمصفارة شفت قولتلك راهي تمثل علينا…… ناض هو…. وقرب مني حكمني على شعري … وقالي….. انت متحسيش ولا واش…… علاه مراكيش تبكي…. علاه متعيطيش ومترديش الهدرة….. صافي عندها الحق سيليا راكي غير تمثلي……..

زادت قربت هيا ليا وطبعتني جيت فالأرض…. كونت حاكمة راسي نحس بيه راح يتفلق من لوجع…….. طبس هو ليا….. قالي مزال مشفتي والو…. وطبعني برجلو زاد خبط راسي فلحيط…. ومبعد مشفيت على والو كلش ظلمة…..

__________

الحلقة 9 :

فطنت لقيت لخيوط شابطين فيا من كل جيهة…… حاولت نوض… ضربتني واجد لماص لراسي… زيدت طيحت……. جات واحد الطفلة قالتلي مدام متنوضيش راكي تعبانا بزاف تعرضتي لضرب شديد…… ريحي شوية دروك تجي لابوليس وحكيلهوم واش صرا……

هكدا شوية دخل فارس ومعاه زوج نتاع لابوليس…….

سقساوني شكون عمل فيا هكدا……… قولتلهوم زلقت من دروج طحت…..كانو يهدرو العربية باسكو قالولهم بلي منفهمش انجليزية……

خزرو لزوج مع فارس….. فارس توتر وهبط راسو…… قالولي متأكدة … قولتلهوم انعم متأكدة……..

هوما خرجو وهو قرب عندي قالي صفا……..

عملتلو براسي ايه….. قالي علبالك عندك.. 17 يوم وانت في غيبوبة…. اييييه ويزيد يهدر فيها…….. قالي احمدي ربي لراكي بخير…. قولتلو الحمد لله……

بقا يضحك وقالي مزال تزيدي تزوري سبيطار بزاف…..

بقيت مشوكيا كامل واش عمل فيا… في اقل من شهر… ومنادمش خلاص… هدا معندوش الرحمة في قلبو…..

فاتو يامات خرجت من السبيطار…. روحت لدار مع هداك الشيطان……

دخلت لبتي ورقدت….. فليل نوضت قولت نبدل لحوايج خير…. راني نفوح بريحت السبيطار…… كونت عيانة مقدراش ندوش……..

طبعت لباب نحيت حوايجي باه نغسلهوم غير هوما عندي قولت باه نوض فصباح نلقاهم. شايحين……. نحيتهوم ولبست واحد لانويزاث… لقيتها مع حوايجي….. لشراتلي مرت بابا لبستها ونحيت خماري وطلقت شعري تعبني وهو مشدود كان طويل حتي تحت ضهري……..

جيت نهبل مام مريضة خخخخخ…….

الحلقة 10 :

انا واقفة حتي جبرت الباب تفتحت…. دخل فارس… انا بقيت واقفة مشوكية ونشوف معاه وهو تاني… بقا واقف يشوف معايا من فوق لتحت…….. فقت مع روحي وروحت جارية حتي….. صبت روحي طحت زيدت دوخت مزال راسي مريض…….. جا جاري حكمني قبل منوصل للأرض…… حط يدو في خصري وليد الاخري حاكمني بيها …… ومبعد دورت ليه عينيا في عينيه نتنفسو نفس الهواء…….

رجع وجهي احمر حشمت بزاف أول مرة يمسني واحد ويكون قريب ليا هكدا…….

الحلقة 11 :

هزني حطني فوق لفراش… وقالي صفا.. عملتلو براسي ايه………. ومبعد تفكرت بلي راني عريانة ومحطاش خيمار…… زربت تغطيت …. كشافني هو هكدك ….. دور راسو جيهت لهيه……وقالي مام نشوفك هكدا وراكي مرتي نتاع الصح…… مفيهاش عيب….. وخرج وخبط الباب موراه……. رقدت نوضت الصباح روطار….. قولت مزية مزالو مناضش كون قتلني بيه بلمصفارة…..نوضت خرجت لقيتو فوق مايدة الفطور وحدو…… روحت جارية وقولتلو سمحلي والله مفقت سمحلي والله منعاود…… مكونش قادرة نتحمل الضرب كلش راه يوجع فيا…… بلا ميهدر معاي ناض وخلاني……… قالي ازربي اشربي حليبك ووجدي روحك نخرجو عندنا قضيا ليوم……

روحت وجدت روحي بلا منفطر…..لبست لحوايج مي عرفت بلي مشاحوش مزالهوم مشمخين ببببف ربي كفاه ندير….

لبستهوم مشمخين خافت يجي ويلقاني مزال موجدش …..خرحت لغرفة الجلوس وقاعدة نستنا….. خرج هو من بيتو وقالي تبعيني….. روحت موراه ركبنا في سيارتو….. شاف معاي وقالي علاه حوايجك مشمخين رايحة تبهدلي بيا……

انا حشمت نقولو غير هدو عندي….. قولتلو كيكونا خارجين تشمخت ومنين راح الحال مبدلتهومش…… قالي اوربي اطلعي بدليهم راني نستنا……. هبطت راسي وبقيت ساكتة…… حتي عيط عليا عيطة قالي… ازربييييييي……… حمر وجهي تبهدلت…… قولتلو معنديش…. غير هدو عندي……… بلا ميهدر معاي قلع ديراكث……

لحقنا لواحد المول كما لنشوفو فثليفيزيون كبييير….. دخلني ليه وقالي هزي شي لتحتاجي ازربي….. حشمت بالسيف باه تحركت…… روحت هزيت روبة عريضة وشابة وزيدت معاها خيمار وصباط محبيش نشري عندي والو مابيه مام قديم شوية…….

لبستهوم وخرجت وهدوك لقدم طيشتهوم باسكو هو قالي…….

شافني بقا يخزر معاي…. كلاني بعينيه….. قالي وينهم لحوايج لشريتي….. قولتلو هدو هوما… راني لبساتهم…. قالي هدا مكان…… هبطت راسي وقولتلو كتر خيرك مننساش خيرك…..

قالي بلعي فمك وتبعيني…. دخلنا لنفس الحانوت هدر مع هديك بلعربية…. قالها خيريلها لبسات نتاع خرجة ويكونو نتاع حجاب….. وتاني لبسات نتاع الدار بلخمار……

شرالي بزاف نتاع حوايج…. ومبعد دخلنا لواحد المول يبيع غير الماكلة…. قالي روحي اقضي شوية لدار انا منعرفش…. روحت شريت لخضرة وشي الضروري نتاع الطياب..

الحلقة 12 :

هو شرا غير حلويات وشوكولا ….. أنا تشهيتهوم عندي زمااان مدقتهمش… تمنيت يمدلي شوية…..

ركبنا وقالي نرجعو لدار دروك …..

كونا راجعين…… هو ساكت وانا تاني ساكتة ومبعد…. قولت لازم نقولو والله تشهيت الشوكولا نتاع الصح……

هدرت معاه بلا منشوف في وجهو وقولتلو……. تعيش تقدر تمدلي شوية نتاع الشوكولا……

بقا يشوف معاي ومبعد ضحك ضحكة فالشط…. وقالي ايه راهي ليك كامل……. طحت فيها كما المهبولة…. بقيت ناكل حتي وصلنا لدار……

وصلنا دخلنا القضيان.. رتبتهوم فلكوزينة… وحطيت وحطيت لغدا…….

وجد لغدا دخل فارس قالي ممممم ريحة تشهي…….. حطينا نتغداو باه نخرجو نحوسو شوية…… انا مت بلفرحة…… ومبعد سربيت كما رايحين نبداو نتغداو دقدق الباب … قالي فارس خلي انا نوض نفتح……. راح فتح الباب….. سمعت صوت هديك المصفارة….

بببف علاه جات هدي دروك…….

دخلها لبيتو بقاو تم قريب ساعة ومبعد جاو للكوزينة…….

________

الحلقة 13 :

بقاو يشوفو معاي فيزوج ومبعد نطقت هي قالتلو بيبي كنت راح تتغدا معاها……

نطق هو قالها لالا نعيف حتي نشوف معاها……. انا بقيت مصدومة فيه كفاه كان وكفاه رجع…..

طلقت من يدي اصلا مبديش… ونوضت روحت لشمبرتي…. حكمني على يدي قالي ارواحي هنا شكون سمحلك تخرج……. روحي حطينا نتغداو….. روحت سربيتلهوم بلا منهدر….. وخرجت

تغداو وخلصو وراحو يحوسو…. بقيت نبكي حتي وجعني راسي ورقدت…… فطنت جواايه 3 نتاع الصباح على صوت تدقديق…… روحت لبست وحطيت لخيمار وخرجت نفتح قولت سوور هدا فارس نسا لمفاتح…… فتحت بلا منقول شكون……

حتي صبت واحد حكملي فمي.. وطبعني لداخل ودخل وقفل الباب………

انا بديت نعيط ودخلت لشومبرت فارس …….. وغلقت لقيت ثيليفون المصفارة… هزيتو وعيطت لفارس…… قالي الو وي عمري… قولتلو انا فارس انا اميرة اجري ليا دخل واحد لدار…… وتتكسر الباب ويدخل هداك العبد انا بديت نعيط وثيليفون طاح من يدي…… وفارس نسمعو يقول …. اطلقها ارواح ليا يا الرخيس…..

بدا هداك يلمس فيا ويقطعلي في حوايجي وزاد نحالي خيماري بقيت غير نبكي ونعيط…….

نحالي حوايجي كامل بخلاف دو بياس…… بقيت نبكي… وفجأة دخل فارس جاري ويعيط امييييرا ميييرا وييينك…… دخل لقاني مرمية فالارض هداك الوحش فوقي…… راح حكمو بدا يضرب فيه ويعيط… بكل جهدو…..

وانا طايحة خلاصتلي القوة والخلعة فيا…….

محبش يطلقو حتي سمعو الجيران وجاو يجرو فكوه من يديه قبل ميقتلو…….. بقاو لجيران ملمومين ويشوفو معاي وانا ملبساش لحوايج مرمية فوق الأرض…….

جا فارس جاري وبدا يعيط اخرجو علاه تشوفو معاها مراهيش لابسة وهز غطا وغطاني…….

خرجو كامل جا عندي …. هزني بين يديه وحطني فوق فراشي………. ونحالي لغطا وانا نشوف غير بعينيا مقدرا نهدر ولا نتحرك….

لحلقة 14 :

بقا يشوف معاي وشادلي يديا ويقولي خلاص ششششش متخافيش…. انا بقيت نشوف معاه مي مبكيش انا منبكيش جامي تطيحلي دمعة…….. مسحلي على شعري وقالي….. علاه متبكيش انت……. ….. ومبعد ناض راح جابلي حوايج….. ونحا لغطا وانا ممنعتوش… معنديش القوة……. بدا يلبسلي في حوايجي…. وزاد جبدلي خماري وحطولي……. وقالي امشي نديك لسبيطار…….

رفدني حطني فسيارتو وقلع…… فالطريق قالي ياك متعداش عليك معملكش حاجة خطيرة…… بقيت ساكتة…. كانت وجيعتي في قلبي…. ياريت بقيت في دار بابا معليش نتحمل الضرب ولا هدا الجحيم…..

لحقنا لسبيطار هزني ودخلني…. فحصوني …… قال الطبيب لفارس بلي نعاني من صدمة نفسية…. قالو لازم ترتاح ومتسمع ولا تشوف أي حاجة تقلقها…..

رجعنا لدار قالي فارس رقدي وغدوة نخرجو نحوسو…..

**** مرام *****

الحلقة 15 :

نوضت الصباح مع لفجر… روحت توضيت وصليت …. وبقيت نقرا ماتيسر من القرآن………. خلصت جيت نايضة لقيت فارس واقف مع لباب ومكتي راسو للحيط ويتفرج معاي….. ومبعد قالي صباح الخير….. قولتلو صباح النور…….. ربي يقبل…. آمين منا ومنكم…… قالي انا منصليش……. قولتلو لالا لازم تصلي….. قالي والله نسيت كفاه يصليو…. قولتلو ساهلة انا نعلمك…. قالي ان شاء الله…….. قالي روحي طيبيلي لحليب جعت…. هههه قولتلو ايه رايحة… حسيتو كما دراري صغار…….

روحت وجدت لفطور…. ريحنا كيف كيف.. فطرنا… قالي وجدي روحك نخرجو….. وجدت روحي خرجنا حوسنا الدنيا كامل… وعديناها غير تمسخير وضحك…….

لحقنا لدار….. لقينا هديك المصفارة مع لباب واقفة…… تلاحت عليه حضنتو وبدات تبكي….. قالتلو مراكش تحبني…. علاه تخليني وتخرج…. مع هدي المتخلفة…….. حكمها وبعدها عليه بلقوة حتي تخبطت فلحيط …. قالها روحي قبل منغلط فيك… كل لبيناتنا خلاص….. منعرفك متعرفيني…… هي قريب هبلت وبدات تقولو علابالي هي بعدتك عليا….. وتلاحت عليا بضرب قالتلي انت سحرتيه يا السحارة….. طبعها فارس…… وحكمني على يدي وقالها هدي مرتي بلحلال……. ومزالها مرقدش معاي وجامي مسيتها وساترة روحها قدامي وقدام كامل الناس مش كما انت…… بعديني يا خاااينة ……. بقات تبكي وشدت روحها وراحت……..

فتح لباب ودخلني وقالي روحي ترقدي ودخل لبيتو……. روحت بدلت حوايجي لبست فيزو ومعاه بودي مزير وطلقت شعري… باسكو رجع فارس معاي محترم يدقدق فلباب… قبل ميدخل…… تسطحت فوق فراشي وغمضت عينيا مي النوم مكانش بقيت غير نخمم…… هكدا شوية حتي صبت الباب تفتحت ودخل فارس… وبقا واقف يشوف معاي……

**** مرام ****

الحلقة 16 :

بقا يشوف معاي وأنا نشوف معاه… حتي فقت مع روحي وغطيت… قرب مني قالي متخافيش…… مراح نديرلك والو…… وزيدلها راني راجلك على سنة الله ورسوله……… بقيت نرجف وجهي حمر أول مرة يشوفني واحد بلا خمار ومعريا هكدا……. قرب مني وقالي …. علاه تخبي هدا الزين كامل…….قولتلو…….. منيش نخبي راني نستر……

ضربني على راسي ضربة خفيفة وضحك ضحكة وقالي ايا روحي ترقدي غدوة نرجعو لدزاير خلاص شهر العسل نتاعنا…….

ومبعد… قالي ايييه حقا احكيلي حكايتك كفاه حتي قبلتي تضيعي حياتك هكدا تحبي دراهم لهدي الدرجة… متبانيش من هداك النوع……

قولتلو خلي مبعد ونحكيو في هدا الموضوع….. قالي اوك براحتك…. تصبحي بخير….. وراح….

بقيت حايرة واش بيه هدا كل يوم بوجه خطرات يضربني حتي يلحقني للموت وخطرات يكون حنين معاي…..

رقدت فقت بكري كما العادة صليت…… وروحت نوضو….. دقدقت محبش ينوض……. فتحت الباب كانت الضلمة منشوفش مليح…. قربت عندو وقولتلو فارس… فارس نوض راه لوقت تروح علينا الطيارة……

محبش ينوض حطيت يدي فوقو وبديت نحرك فيه بلاك يفيق من الغيبوبة……. حتي صبتو جبدني ليه وقلبني تحتو وطلع فوقي….. شعل الضو لقاني انا …. قالي اااه صار هدي انت…… كان وجهو قريب لوجهي لدرجة نجبدو نفس الهواء……. بقا يشوف معاي وحاكملي يديا الزوج…. وانا حمر وجهي وقولتلو بصوت يرجف وضعيف.. اي وجعتني تعيش اطلقني نروح …..

زاد قوا في تنفسو نحس بيه يرجف….. ومبعد قالي خلاص روحي عند بالي كاش واحد دخل علينا هههه….

نوضت جارية هربت… تخلعت وخافت وحشمت…… بقا يشوف معاي وانا جارية كما دراري صغار ويتبسم وحدو…..

_________

الحلقة 17 :

وجدنا رواحنا وقلعنا رانا روطار بزاااف……. لحقنا وكانت الدرسة .. الناس بزاف….. حكمني فارس على يدي ويجري فيا ….. قبل متقلع الطيارة…… لحقنا لقينا ناس بزاااف دخلنا في نصهوم وبدينا نمشيو كانو اغلبهم رجال… كلاوني بعينيهم وكل خطرة واحد يلوحلي كلمة…… دار فارس ليا حضني بيدو وزير عليا. …. حتي فوتناهم … وصلنا لطيارة قعدت في كرسي وفارس بحدايا حتي جا واحد الجون ريح حدايا….. فارس بقا يخزرلو… كلاه بعينيه….. ومبعد حكمني علي يدي وقالي ارواحي بلاصتي….. روحت ريحت في بلاصتو وهو في بلاصتي……..

كانت الطريق طويلة عييت ورقدت…… مفطنش حتي وصلنا فيقني فارس بضربات خفاف علي خدودي…. نوضت لقيت روحي حاطة راسي فوق رجليه ومغطيا بجاكيتو……

جات سيارة خاصة للمطار باه توصلنا… قال فارس لشوفور روح انت خلي انا نسوق……

قالي اطلعي من قدام…. ركبت من قدام كما قالي….

وفطريق قالي شوفي متبينيش بلي رانا متزوجين على ورق برك….. لازم تثبتيلهوم بلي رانا متزوجين عن حب…. واحد معلبالو بهدي الحكاية من غيرنا انا وانت وباباك اك……

عملتلو براسي ايه…

ومبعد قالي واش عملتي بهدوك الدراهم لمديتلك باه توافقي على الزواج…..

قولتلو مش انا ديتهم.. راهم عند بابا ومرتو و اولادو يتمتعو بيهم……… شفت في عينيه لأول مرة وقولتلو محال نقبل نبيع نفسي لواحد الله غالب كونت مجبورة……. بقا ساكت مقدر يهدر والو……..

وصلنا لدار… هبطنا من السيارة لقينا العائلة كامل تستنا فينا….. حضني فارس قدامهم وهمسلي في ودني كما تفاهمنا متمرقيهاش… قولتلو اك……

سلمو علينا ورحبو بينا احسن ترحيب…. دخلنا لدار لقينا العشا واجد تعشينا وحكينا وضحكنا……. ومبعد قالونا اطلعو تريحو دروك في شمبرتكم… راكم عيانين… قالهم فارس ايه صح الطريق طويلة… عيينا بزاف….

قالي قدامهم…. هيا عمري نطلعو نرقدو منعستيش……. وطبعلي بوسة في خدي….. شديت روحي قريب تغاشيت وجهي رجع احمر…. كامل بقاو يضحكو عليا… ويقولولو والله محق عليك تحشم فيها هكدا…. هو بقا يضحك وقال ياعمري على الحشامة نتاعي….. حكمني على يدي وطلعني لبيتي ودخل معاي… وغلق لباب…. تلفت ليه قولتلو علاه وين ترقد انت…. قالي هنا وين راح نرقد…. ياك تفهمنا بلي نمثل بلي رانا متزوجين نتاع الصح…….

الحلقة 18 :

قولتلو مي كاين غير سرير واحد كفاه راح نرقدو… قالي ايه راه كبير انت في جيه وانا في جيهة……..

روحت لدوش بدلت حوايجي لبست حوايج مستورين وخيمار…… هزيت مخدات حطيتهم بيناتنا… وهو بقا يضحك… قالي كون بالي ندير حاجة مراحش يمنعوني لمخدات…….

تكسلت في بلاصتي وهو تاني……. حتي دانا النوم…… نوضت الصباح لقيتو تجاوز الحدود لبيناتنا…….

روحت توضيت صليت…… كخلصت لقيتو ناض…. قولتلو سمحلي فيقتك بكري…. قالي لالا كملي اقراي القرآن حسيت بالراحة…….

روحت جبدت المصحف وطلعت فوق لفراش منين هو وبديت نقرا حتي صبتو حط راسو في حجري…. كما الدراري الصغار……كملت قريت ماتيسر لي…..ومبعد ناض هو راح ندوش….. وخرج لابس حوايجو…. قالي ايا نهبطو وبلا منوصي …. انت مرتي وانا راجلك ونحبك وتحبيني…….

عملتلو براسي ايه…..

هبطنا كامل كانو يستناو فينا…. قعدنا فطرنا كان غير الضحك والتمسخير…….عجبوني كامل بخلاف خوه لكبير معجبنيش يشوف معاي بواحد النضرات مقززة….كونت نتفادا نشوف معاه……

كان فارس ياكل ويوكلي…. وهو يضحكو عليا على وجهي ليحمر…..

الحلقة 19 :

رجع فارس حنين معاي قدام عايلتو ومام وقت نكونو وحدانا يبقا حنين ويهدر معاي عادي…..

كونا مين داك نخرجو نحوسو……. زورت لبلايص لمحلمش حتي فلمنام نزورهم……

واحد النهار كما العادة خرجنا فصباح حتي دخلنا فليل وحنا نحوسو وشرالي حوايج وشكولا بزاااف باسكو علبالو بلي نحبها…… لحق الليل رجعنا لدار دخلنا لشمبرتنا عيينا فيزوج…. راح تسطح فوق لفراش بحوايج الخرجة وسباطو…. قالي ماقدرش نلبس نحس روحي تعبان بزاف…….

روحت نحيتلو السباط وجبتلو سيرفاث ….حكيتهالو قدامو وقولتلو نحي هنا….. ورقد…… قالي صحيت….

دخلت لدوش بدلت حوايجي لبست بيجامة طويلة وعريضة … وحطيت خماري وروحت نرقد…… شفت مع فارس لقيتو يترعد من البرد…… مسيت في جبينو لقيتو سخون بزااف… عرفت بلي عندو الحمة……

روحت حوست علي دوا وبلا فايدة… وحشمت نروح ندقدق في بيبان عايلتو…. روحت جبدت سربيتا شمختها…. وبديت نحطهالو على راسو وعنقو… لاكن بلا فايدة الحمة محبش تهبط وهو بدا يهترف ويهدر وحدو….. نحيتلو ثريكو السيرفاث وخليتو غير بالسروال باه يبرد شوية……. بقيت سهرانة معاه حتي الصباح…. مرقدش حتي دقيقة….. وهو كل خطرة ينوض يشوف معاي ويرجع يرقد…..

لحق وقت لفجر.. روحت توضيت صليت…. وروحت قعدت بحداه وجبدت المصحف وقريت قرآن…. ودعيتلو حتي طاحتلي الدمعة……

ماحسيت الا بيد تحطت علي خدي ومنعت الدمعة تطيح……. شفت معاه لقيتو يتبسم ويشوف معاي بواحد النظرة مفهمش معناها…… حكملي يدي … حطيت المصحف على جنب…… قالي مننساش واش درتي فيا كثر خيرك…….. تبسمتلو وقولتلو كفاه تحسنت شوية…… قالي لالا مزالني متحسنش… قولتلو واش يوجع فيك…… ضحك ضحكة كبيييرة وقالي لالا نتمسخر معاك تحسنت بزااااف مي مشبعش من الدلال نتاعك…….

ضربتو ضربة خفيفة على راسو وتبسمت…. قالي نتمنا تتبسمي كل يوم…. تبسيمتك تزيد النص……

حشمت وجهي حمر وجيت نايضة…. جبدني ليه… طيحت فوق صدرو وجهي في وجهو… نتنفسو نفس الهواء……. قالي سمحيلي…..

الحلقة 20 :

قالي سمحيلي على لعداب لعدبتك…….. مي الله غالب كونت زعفان…….. تحتمت عليا نتزوج زواج على ورق…. وهدي مش طبيعتي…. منحبش نفسد حياة طفلة…… العمل نتاعي حتملي ندخل في اتفاقية ولازم نكون متزوج…… مقدرش نضيع حياتي ونتزوج زواج نتاع الصح مزالني ملقيش لمرا نتاع الصح لنحبها……..

عليها حوست على بنت نتزوجها ونطلقها منا على 6 اشهر… ولازم تكون راضية …… شي ميخصها معاي ونمدلها مبلغ مليح …. باه تقدر تعيش حياتها من بعد…….

سمعت من مصدر عندي أنو باباك مستعد يزوجني بنتو ولهي انت…. روحت عندو وشاورتو وفهمتو فلحكاية مليح…..وقبل نورمال مع اني هدرتلو وعاودت بلي زواج على ورق لمدة 6 اشهر… مي قبل…..

قولتلو علاه حاب تضيع حياة بنتك….

قالي بلا منخبي عليك ….. بنتي واحد ميديها….. بهدلت بيا وحطتلي راسي فلوحل…….. قالي بلي انت معندكش شرف…… الحقيقة استغربت كفاه أب يهدر على بنتو هكدا….. قالي اغلبية الايام منعرفش وين تبات…. عليها الا ديتها انت معندها مراح تخسر بلعكس … راح تعاون روحها ….. بدراهم لتمدهوملها……….

قالي عليها راني نعدبك الله غالب منحبش هدا النوع من البنات…. مي نهار شفتك بانتي بريئة….. كونت نقول محال وحدة كيفها محافظة على صلواتها وسترتها تدير هداك الشي كامل….

قالي مي عشت معاك وعرفتك وعرفت عقليتك وتربيتك…… انا متأكد بلي باباك يكدب وكاين قصة مور هدا لكلام…..

قالي حابك تجاوبيني على كلش……

أنا بقيت حايرة واش راني نسمع…. بابا يديرلي هكدا….. بابا باعني وتهمني في شرفي…. حرام عليك يا بابا مكفاش الضرب والحقرة لمديتهوملي ……

طاحت دمعة سخونة من عيني….. اول مرة نبكي من مدة…………

مسحهالي فارس وقالي أول مرة نشوفك تبكي بخلاف في صلاتك……. قالي متبكيش منحبش نزيد نشوف دموعك….. قالي خلاص الا متحسيش روحك مليحة مبعد وحكيلي…..

قولتلو لالا نحكيو دروك خير…..

قولتلو معنديش يما… جبدني ليه مليح وحظني وزير عليا……

قالي كملي راني نسمع….

حكيتلو كفاه بابا ومرتو يعاملوني كفاه يرميوني فليل ويتهموني نروح نبات عند الرجال… حكيتلو كلش كل صغيرة وكبيرة…..

قولتلو الحمد لله قدرت نحافظ على شرفي… هو أغلى حاجة عندي…. محال نخلي واحد يقربني.. ومحال نقبل نبيع نفسي بمال الدنيا كامل…..

الحلقة 21 :

قالي من اليوم شي ميخصك معاي ديريني راجلك نتاع الصح …… ليضرك يضرني…….

كان محضن فيا زاد زير عليا…… وهمسلي في ودني…… وعديني بلي متخبي عليا والو……..

قولتلو نوعدك منخبي والو…….. وحضنتو حتي انا…… أول مرة نحضن واحد……. ومبعد قالي ايا نوضو نفطرو… راني ميت بلجوع…. ومبعد نطلعو نرقدو… علبالي مرقدتيش لبارح خلاص….. وانا تاني ترقد مرقدش مليح……

ومبعد نوضنا لقا وجهي احمر… حشمت بزاف جامي جربت هدا الشعور……. قرصني على خدي… وقالي هههههه لحشامة متحشميش مني……. انا ضحكت وقولتلو…. اصبر نلبس حوايجي ونعدل خيماري ونجيك….

دخلت لدوش لبست وحطيت لخيمار خرجت لقيتو وجد روحو ومبعد شافني… قرب مني… عدلي لخيمار وقالي هكدا جيتي تهبلي خموس عليك…..

انا كل ميهدر معاي يحمر وجهي وهو يبقا شايخ عليا بالضحك…..

ايا هبطنا فطرنا…….. ومبعد قالهوم منحبش حتي ازعاج رانا طالعين لشمبرتنا……. عندي خدمة واميرة راح تعاوني……

كامل ضحكو ضحكة وحدة… فهموها حاجة خلاف……

قالتلو يماه خودو راحتكم وليدي مزالكم عرسان ههههه…. هو بقا يضحك وانا دخلت بعضي حشمت بزااااف…..

حكمني على يدي وطلعنا…… قالي روحي بدلي حوايجك…… وهيا ترقدي…. روحت لبست بيجامة عريضة كما العادة مع الخيمار وروحت نرقد كونت عيانة بزاااف…….. طلعت فوق لفراش… ومبعد قالي نحي خيمارك……… انا تجمدت في بلاصتي……. قالي متفهميهاش حاجة خلاف…. مي انت مرتي على سنة الله ورسوله… وعادي كون نشوفك بلا خمار……. خممت ولقيت بلي عندو الحق …… نحيتو….. وطلقت شعري….

بقا باهت فيا … كان يشوف معاي بواحد النظرات منقدرش نفهمهوم…..

قالي الله يبارك بلخيمار كونتي زينة ودروك بلا خمار زيدتي زيانتي……. ربي يحفظك من العين……

بيانسور حمر وجهي….. قولتلو ارقد ارقد انا رايحة نموت بلعيا…….

ورقدنا……. ومبعد فلعشيا نوضنا……..

هو بقا مكتي في بلاصتو وانا نوضت روحت لدوش نبدل حوايجي……

روحت نبدل ونلقا المفاجئة…..

كاااااااارثة…..

الحلقة 22 :

بقيت باهتة ياربي واش هدا…. ياربي على تبهدايل…… اااه ياربي علاه قدامو علاه…..

ياربي ملقات وقتاش تجيني حتي لدروك وقدامو……. ااااه ربي على الدورة الشهرية نسيتها خلاص…..

غسلت وبدلت حوايجي….. وكونت ندعي ربي متكونش خرجتلي وشافني هو…

خرجت متربكة….. لقيتو مزال في بلاصتو…… كان مغمض عينيه وكفاق بيا قربت ليه…. فتح عينيه وبقا يضحك عليا…….. قالي واش بيك لونك مخطوف هكدا…… قولتلو لالا تاشي بلاك من الرقاد مرقدش مليح….

وبعد زاد قوا فالضحك…. قالي مممممم زعمة……

انا فهمتها بلي شاف… اااه ربي…… وجهي حسيتو راح يتفلق من الحشمة….. بقيت واقفة ونطيخ في صوابعي من التبهدايل……..

ومبعد قالي…. منعرف واش تقلبلك فوق لفراش تبانلي ساحتلك كاش حاجة حمرا فوق لفراش……

انا فرحت قولت سور متحلبش بلي دورة شهرية….. قولتلو ايييييه تقلبلي دوا احمر … ونسيت مبدلش لغطا…..

هو بقا يشوف معاي ومبعد ضحك بأعلي صوتو…. قالي مييييرا بركاي من الزعاقة هههههههه عندبالك انا بهلول……..

انا حشمت وجيت رايحة لدوش جارية…..

قالي ميييرا ارواحي….. حبست بلاصتي…. قالي متحشميش نورمال هدا شي نتاع ربي……

انا بقيت مهبطة عينيا …… ومبعد ناض….. قالي علبالي بلي دروك توجعك … نخرج نشريلك دوا……. ونجيك….. ومبعد انا قولت …. ومتنساش تاني…. ومبعد سكتت حشمت نسيت على روحي……. قالي واش تاني….. اهدري…. شدلي .. دقنونتي بيديه وطلعلي راسي…. قالي اهدري متحشميش…..

ومبعد قالي خلاص فهمت… نشريلك هداك لتحطوه منعرف كفاه تسمو هدوك العفسات…….

طبعلي بوسة على راسي وخرج….

وخلاني دايبة في حنانتو…

لبنات متقراوش وتروحو … تعليق صغير وكلمة تشجيع والله تفرحني… في الريبونص

****

***

الحلقة 23 :

بقيت حايرة.. اااه ربي واش هدا الاحساس لراني نحس فيه….. هكدا شوية دقدق لباب.. قولت بلاك فارس… مي مش عوايدو يدقدق… حطيت لخيمار غير فوق شعري برك… وفتحت لباب لقيت خوه لكبير حسام… قولتلو اتفضل خويا راك تحوس على فارس… هو مكانش راه خرج.. قالي لالا علبالي بلي خرج شفتو……. وطبع الباب ودخل وقعد فوق لبونك ….. انا حشمت نقولو اخرج …. خليت بابا البيت مفتوحة باه ميفهموناش غالط الا شافونا……..

هكدا شوية حتي صبت فارس دخل…. ويشوف معاه بواحد النظرة كشغل راح ياكلو…….. ومبعد انا باه نلطف الجو قولتلو…. ااه فارس خوك راه يحوس عليك بلاك…… دار ليا وشاف معاي بعينيه ونار تخرج منهم قرب مني حكملي يدي….. وزير عليها قريب كسرهالي…. وقالي غطي شعرك راه يبان…… هزيت يدي وبقيت نصاوب في خماري……

ومبعد قال حسام لفارس ايه راني نحوس عليك…. وسقسيت اميرة قالتلي هدا وين خرج… قولتلها وقت ليجي قوليلي يفوت عندي…… قالتلي استناه هنا…… انا حشمت نهدر وشفت مع فارس لقيتو راح يتفلق….. ومبعد قال لخوه حسام استناني لتحت راني جاي…….

خرج حسام …. وغمزلي غمزة……. غلق فارس وراه لباب…..

وقرب ليا…… وبدا يعيط. ويتهاوش كفاه تدخليه…. لبيتنا….. وزيد شعرك كان يبان……. علاه تخرجي عندو وتخليه يشوفك بلبيجامة…….

نطقت قولتلو… والله مش انا دخلتو… انا مكملش كلامي ضربني بكف قريب تغاشيت الخيمار طاح من فوق راسي……….

قالي لمرة لجاية وتشوفي نزيد نلقاك واقفة مع واحد …….

قالي هايليك ساشي فيها كلش تحتاجيه……..

هزيتها وهزيت حوايجي ودخلت لدوش…. بدلت ودموعي تسيل…….. عينيا تنفخو…. غسلت وجهي وخرجت لقيتو مكتي فوق لبنك…….

روحت قعدت في بلاصتي … وبقينا ساكتين لزوج…… ومبعد قالي واش متتسطحيش …… ايا تسطحت…… ومبعد ناض جبد لغطا وغطاني……. وحط راسو فوق لوسادة نتاعي كان قريب مني بزاف…… حط يدو فوق خدي لضربني منو…. وقالي بصوت مبحوح وحنين …. وجعتك…. عملتلو براسي اييه……

حط شفافو فوق خدي وبقا يهدر ويهمس….. مراحش نزيد نمد يدي عليك….. خلاص… مي اسمعي كلامي برك…. ومبعد جبدني ليه ودخلني في صدرو وزير عليا…. كان جسمو لاصق في جسمي… قالي انت مريضة وراح ندللك انا هدي المرة….. مي ترديهالي ..

الحلقة 24 :

هبطنا لتحت انا دخلت للكوزينة كاش منعاونهوم…. وهو معلباليش وين راح….. سربينا باه نتغداو…… قعدنا كامل مع بعض…. ومبعد قالت مامات فارس….. ياوليدي مرتك مهيش مليحة قبايلات فلكوزينة داخت……. وعيطت عليها باه تطلع تريح… مي هي محبش…… قالتلي فارس يحب شخشوخة… راسها يابس….. دير بالك عليها تعيش……

قالها بلا متوصي يما….. راهي في عينيا…. ومبعد قالي منحبكش تنوضي منا حتي تخلصي طبسي نتاعك……

بقيت ناكل ونحتم معنديش شهية…… ومبعد قولتلو والله مقادرة نزيد خلاص….. قالي امشي نطلعو لشمبرا ترتاحي شوية…..

طلعنا تسطحنا لزوج… كان الحال بارد والشتا تصب…… غطاني وقرب مني وحضني من ورا ضهري….. وحط يديه في كرشي…… وبقا يهمسلي في ودني…. مزالها توجعك…. قولتلو اممممم……. غطاني مليح وبقا محضن فيا حتي رقدنا لزوج……. نوضت لقيت روحي بين يديه… واحد الدفا رووعة…. حتي لوجع وراحلي…..

تمنيت تحبس الدنيا تم ونبقا محضناتو طول حياتي……

فتح عينيه وقالي … كفاه دروك ريحتي…. قولتلو ايه….. هزلي دقنونتي وقالي… كتهدري معاي شوفي في عينيا اوك…..

هبطت راسي وتبسمت وقولتلو اوك……

قالي واش رايك فيا…….

واش نعنيلك … عندك مشاعر اتجاهي….

قولتلو … جوابي يعتمد على جوابك… وانت واش نعنيلك…..

زير عليا بين يديه وبلع ريقو وقالي….. تزوجتك فوق لورق ومزال ممسيتكش …. مام حلالي….. قالي عشقتك وحبيتك… منقدرش نعيش بلا بيك……

غمضت عينيا وطاحتلي دمعة لاول مره نحس واحد بحبني صح……

مسحهالي وقالي تقبلي تكوني مرتي مدا العمر……… حكمتلو وجهو بيديا وحطيت شفافي فوق شفافو وبستو بوسة كبيييرة…..

قالي هدي البوسة اروع قبلة في حياتي ونظن فهمت بلي موافقة…….

فاتو يمات وحنا حبنا كل يوم يكبر… ومام كونا نرقدو في نفس لفراش مي مكونا نديرو والو…..

قالي حتي نعاودلك العرس… ونديرلك ليلة العمر كما تحلم بيها اي طفلة…..

رأي واحد على “كرونيك ” زوجي القاسي “”

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *